என்னால் முடியும் ... தன்னம்பிக்கை நிகழ்ச்சி

என்னால் முடியும் ... தன்னம்பிக்கை  நிகழ்ச்சி  

அரிகேசவநல்லூர் இந்து நடுநிலைப்பள்ளியில்  இன்று என்னால் முடியும்.. என்னும் தன்னம்பிக்கை நிகழ்ச்சி  ஸ்ரீ சாய்க்கட்டிடத்தில் உள்ள அல்பா முஹம்மது ஹுசைன் நினைவு அறையில் வைத்து நடைபெற்றது. மாணவி சுபஸ்ரீ வரவேற்புரையாற்றினார் .விழாவிற்கு பள்ளி தலைமையாசிரியர் திரு.ம.ராம்சந்தர் அவர்கள் தலைமைவகித்தார்கள்.பள்ளி செயலர் திரு.டி .வி.சுப்பிரமணியன் அவர்கள் முன்னிலை வகித்தார்கள் . சர்விஸ் டு சொசைட்டி நிறுவனர் திரு.ரவிசொக்கலிங்கம் அவர்கள் "என்னால் முடியும்.." என்னும் தலைப்பில் உரையாற்றினார் .இந்த நிகழ்வானது திரு.ரவிசொக்கலிங்கம் அவர்களின் 130 வது  பள்ளி நிகழ்வாகும்.130 பள்ளிகள்,57 கல்லூரிகளில் திரு.ரவிசொக்கலிங்கம் அவர்கள் தன்னம்பிக்கை உரை ஆற்றியுள்ளார்.மாணவர்களிடம் ,'ஜெயிப்பவர்கள் காரணம் சொல்வதில்லை , காரணம் சொல்பவர்கள் ஜெயிப்பதில்லை',கவனச்சிதறல்கள் நம்மிடம் இருக்கக்கூடாது ,உயர்ந்த எண்ணம் இருக்கவேண்டும் ,பொழுதுபோக்கு நிகழ்ச்சிகளை ஊறுகாய் போல பயன்படுத்தவேண்டும் ,முழு கவனமும் படிப்பில் செலுத்தவேண்டும் ,நான் உறுதியாக சாதிக்கவேண்டும்  என்ற எண்ணத்துடன் நிலைத்தன்மையான,நேர்மையான உழைப்பு வேண்டும் ,எண்ணமும் உழைப்பும் இருந்தால் வெற்றி நிச்சயம் கிடைக்கும் சாதனனையாளராக மாறலாம் என்ற கருத்தினை வலியுறுத்தி  பேசினார்கள் . மாணவிகள் மீனாட்சி,மாரியம்மாள் நிகழ்ச்சியினை தொகுத்து வழங்கினார்கள் . பட்டதாரி ஆசிரியை திருமதி.முத்துச்செல்வி நன்றியுரை  கூறினார்கள் 

"என்னால் முடியும்.." தன்னம்பிக்கை விதை நிகழ்ச்சி

"வாழ்க்கையில்  நாம் தடுமாறும்போதெல்லாம் நம்மை தூக்கிநிறுத்துவது தன்னம்பிக்கை மட்டுமே. தன்னம்பிக்கை இருக்கும் ஒருவரால் மட்டுமே வாழ்க்கையில் வெற்றிபெற முடியும்."

அரசு மற்றும் அரசு உதவிபெறும் பள்ளிகளில் பயிலும் மாணவர்களுக்கு தன்னம்பிக்கை விதையினை விதைத்து வரும்  சர்விஸ் டு சொசைட்டி நிறுவனர்  மதிப்பிற்குரிய ரவிசொக்கலிங்கம் அவர்கள் நம் அரிகேசவநல்லூர் இந்து நடுநிலைப்பள்ளி மாணவர்களுக்கு வரும் புதன் கிழமை(02.08.2023) அன்று "என்னால் முடியும்.." என்னும் தலைப்பில் உரையாடவிருக்கிறார்.சர்விஸ் டு சொசைட்டி நிறுவனர்  மதிப்பிற்குரிய ரவிசொக்கலிங்கம்அவர்களை நம் பள்ளிக்கு வருக வருக என்று வரவேற்கிறோம் .

www.hindumiddleschool.me 

https://hindumiddleschool.blogspot.com/2023/07/blog-post_29.html 

 

 

முதல் முயற்சியிலேயே 3 வெண்கலப்பதக்கங்கள்

 முதல் முயற்சியிலேயே 3 வெண்கலப்பதக்கங்கள் 

 திருநெல்வேலி தருவை  எப் எக்ஸ் பாலிடெக்னிக்  கல்லூரியில் வைத்து நடைபெற்ற மாவட்ட அளவிலான ATYA BATYA  போட்டியில் நம் அரிகேசவநல்லூர் இந்து நடுநிலைப்பள்ளியிலிருந்து  4 அணிகள் (48 மாணவமாணவிகள் ) கலந்து கொண்டனர் . அதில் 3 அணிகள் வெண்கலப்பதக்கங்கள் பெற்றுள்ளனர். ATYA BATYA  போட்டியில் நம் அரிகேசவசநல்லூர் இந்து நடுநிலைப்பள்ளி மாணவர்கள் கலந்து கொள்வது இதுதான் முதல் முறை ... பயிற்சியளித்த  உடற்கல்வி ஆசிரியர் திரு.சுடலைமணி  மற்றும் அவர்களது குழுவினருக்கு மனமார்ந்த நன்றியைத்தெரிவித்துக்கொள்கிறோம்.வெற்றி பெற்ற மாணவமாணவிகளுக்கு  

எப் எக்ஸ் பாலிடெக்னிக்  கல்லூரி நிர்வாகத்தினர் மற்றும் திருநெல்வேலி மாவட்ட ATYA BATYA அசோசியேஷன் செயலாளர்  திரு .இசக்கி  அவர்களும் பதக்கங்களும் சான்றிதழ்களும் வழங்கினார்கள் 

www.hindumiddleschool.me

 

 

நம் பள்ளிக்கென ஒரு தனித்துவமான இணையதளம்...

நம் பள்ளிக்கென ஒரு தனித்துவமான இணையதளம்...

அமெரிக்கா  மிச்சிகன் மாகாணத்தில் செயல்பட்டுவரும் சிலம்பு தொண்டு நிறுவனம் நடத்தும்  இரண்டாம் ஆண்டு  கோடைக் கால சிறப்புப்பயிற்சியில் தமிழ் கற்றுக்கொடுக்கும் தன்னார்வல ஆசிரியராக நானும் ,எம்பள்ளி ஆசிரியரும்  ... எங்களிடம்  தமிழ் கற்கும் அன்பு மாணவர் யுவரோஷனிடம் எம் பள்ளிக்கு ஒரு  இணையதளம் உருவாக்கலாமா? என்று கேட்ட அடுத்த ஒரு மணி நேரத்தில் இணையதள உருவாக்கப்பணியினை ஆரம்பித்துவிட்டார் ... இன்னும் சிலதினங்களில்  பள்ளி இணையதளம் முழுமையடைந்துவிடும்   ...எனதன்பு மாணவர் யுவரோஷனுக்கும் , எனக்கும் என் பள்ளி ஆசிரியை  திருமதி .ஜேஸ்மாலா அவர்களுக்கும்  சிலம்பு தொண்டுநிறுவனத்தின் சிலம்பு தமிழ் பள்ளியில் தன்னார்வலர் ஆசிரியராக  தமிழ் கற்றுக்கொடுக்கும் வாய்ப்புவழங்கிய சிலம்பு தொண்டு நிறுவனத்திற்கும் எனது நண்பரும் ,மிச்சிகன் மாகாண பல்கலைக்கழக இயக்குனருமான முனைவர்.சுவாமிநாதன் அவர்களுக்கும் நன்றிகள் சொல்ல வார்த்தைகள் இல்லை  ...